CEBU, Philippines - Buksan na ang 1st Mayor Sonny Osmeña Cup Inter-Collegiate Basketball Tournament uban ang upat ka teams karong gabii
didto sa Marcelo Barba Gym sa Toledo City.
Giuloha'g "Halad sa Pasko," ang upat ka adlaw nga torneyo libre alang sa tanang mahiligon sa basketbol.
Ang upat ka teams mao ang University of the Visayas (UV) Green Lancers ni coach Felix 'Donbel' Belano, University of San
Carlos (USC) Warriors ni coach Julian Macoy, Muaña Construction and Development Corp. (Goodson Collee Basketball) ni coach Kokoy
Cenabre ug Toledo Collegiate All-Star ni coach Elmer 'Boy' Cabahug.
Ang opening ceremony sugdan sa alas-4 sa hapon diin si Mayor Sonny Osmeña mohatag sa iyang mensahe.
Ang maong torneyo mipailawom sa single round robin format diin ang top two teams maoy mag-abot sa knockout finals ug ang
laing duha maoy mag-ilog sa ikatulong pwesto.
Ang mga duwa pagadumalaon ni Jimboy Tiongco. Si Estoy Jaranilla maoy commissioner, samtang si technical committee chief
Edwin Dejacto. (BANAT NEWS)