Southern islands leg sugdan karon

CEBU, Philippines - Hipanglantawan  nang daan sa mga Sugbuanong basketball fans ang mainiton ug hugot nga panagtakus sa duha ka higanteng teams --

ang reigning 2013 Cebu Schools Athletic Foundation Inc. (CESAFI) champions University of the Visayas (UV) Green Lancers ug  runner-

up Southwestern University  (SWU) Cobras.

 Ang UV Lancers ug SWU Cobras maoy giilang topseeds sa pagbukas  sa Southern Islands leg sa Philippine Collegiate

Champions League (PCCL) karong adlawa diha  sa  Cebu  Coliseum.

 Unang magsangka sa   alas 5:30 sa hapon mao ang STI College batok sa Holy Trinity College, mosunod dayon ang sangka tali

sa University of San Carlos (USC) Warriors batok sa Visayas Champion leg Iloilo Doctors' College sa  alas  7:15 sa gabii.

 Ugma, ang UV makigtakus batok sa modaog tali sa STI ug Holy Trinity, samtang ang SWU moharong sab batok sa modaog sa

duwa tali sa Warriors ug sa Iloilo Doctors' College.

 Kun walay mahitabong upset,  seguradong mag-usab ang Lancers ug ang Cobras nga  maoy nagbagat sa 13th CESAFI besf-of-

five championship series. Ang modaog awtomatik  moabante sa PCCL Final Four didto sa Manila nga himuon sa  ikaduhang semana sa

Disyembre.

 Alang sa Lancers ug sa Cobras, importante kaayo kining   torneyo nga makapakita  sila  sa labing maayo nilang duwa tungod

kay wala pay Cebu team nga midaog og korona sa PCCL.

 Human maghari sa 13th CESAFI, si UV Lancers' coach Felix  'Donbel' Belano   laraw nga mosakmit og laing titulo ug kini mao ang

PCCL. (BANAT NEWS)