Cebuano judoka naka-gold sa UAAP tourney
CEBU, Philippines - Usa ka halandumon daog ang naangkon sa Sugbuanong judoka nga si Joaquin Fernandez human kini midaog og bulawang
medalya sa judo event sa Universities Athletic Association of the Philippines (UAAP) didto sa Ateneo de Manila University gym sa
miaging gabii.
Mao kini ang katapusang duwa sa 20-anyos nga si Fernandez sa UAAP.
Dili sayon ang gisubay nga dalan ni Fernandez paingon sa iyang kadaugan atol sa iyang unang tuig diin mipahiluna siya sa
ikaupat. Pagka sunod tuig, maoy labing ngil-ad alang sa UP Diliman varsity kay natagak dayon kini.
Sa miaging tuig, si Fernandez mipakita'g maayong labok diin midaog siya'g bronze medal. Pakyas siya pag-abante ngadto sa
gold medal round human mapilde ngadto sa banggiitang si Jon Rodriguez sa University of Sto. Tomas (UST).
Ning higayona, si Fernandez mas preparado na ug mipakita sa iyang maayong performance alang sa iyang pagpanamilit sa
UAAP.
Atol sa maong duwa, si Fernandez nakabawos ngadto ni Rodriguez aron manghawod sa -60 kilograms division nga naghatag og
agianan sa UP Fighting Maroons men's team pagdaog sa first runner-up honors.
Si Fernandez mopokus karon sa Southeast Asian (SEA) Games pre-qualifying event sa Myanmar sunod buwan.
"I have to join the qualifying event in Myanmar since my name was not included in the current lineup submitted to the POC (
Philippine Olympic committee). I even had to pay for my own fare for this meet. They will include in the lineup the one that will win the
gold and silver of next month's event. Hopefully, I'll be able to deliver well," matud pa ni Fernandez. (BANAT NEWS)
- Latest
