CEBU, Philippines - Ang Team Rama ni Jingjing Rama mipilde sa Blessel Enterprises, 94-81 alang sa ilang ikatulo nga daog sa AMBL Basketball Cup 2013 didto sa Vicente Sotto Memorial gym sa barangay Punta Princesa, ning dakbayan.
Human sila mabiyai sa first period, 15-24, kalit lang mi-rally ang Team Rama ug ilang na-outscore ang Blessel, 36-15 pinaagi sa pagtimon nilang ex-PBA star Danny Aying ug ex-Lancer Ope Abellana aron ma-ilog ang labaw sa halftime, 51-39.
Miburot pa ang labaw ngadto sa 71-55 pagsugod sa final quarter ug niadtong tungora, ang laing kanhi PBA player nga si Bonel Balingit mao na sab ang namuntos aron pangulohan ang Team Rama pinaagi sa iyang 23 puntos. Si Aying miamot og 19 puntos, samtang si Abellana mitampo'g 12 puntos.
Ang AMBL nga adunay 2-2 nga baraha gipangulohan nilang Ralph Bruzon ug Frankie Lastimoso sa ilang 21 puntos matag usa. (BANAT NEWS)
PUNTOS MATAG USA
TEAM RAMA (94) - Balingit 23, Aying 19, Abellana 12, Rama 10, Balaba 7, A. Fuentes 6, Pahamutang 6, L. Fuentes 4, Vidal 3, Navarro 2, Dejos 2
BLESSEL (8l) - Bruzon 21, Lastimoso 21, Birao 9, Galon 8, Ortega 8, Ocampo 6, Grafe 4, Maraño 2, Ferrer 2