CEBU, Philippines - Dili na pahamtangan og one-year suspension ang head coach sa University of San Carlos (USC) Baby Warriors nga si Britt Carlo M. Reroma human siya
pasayloa sa Cebu Schools Athletic Foundation Inc. (CESAFI) Board atol sa ilang meeting niadtong Septiyembre 5 didto
sa Tin Gow Restaurant sa Waterfront Cebu City Hotel and Casino.
Apan ang Board mipasidaan nga kun usbon ni Reroma ang susamang aksyon sa pagsuway pagpasulod og dili
kwalipikadong magduduwa, mapahamtangan na gyud siya sa iyang one-year ban.
Kahinumduman, niadtong Agosto 3 nga maoy pagbukas sa 13th season sa CESAFI, buot untang pasudlon ni
Reroma si Scott Aying, kinsa gibawalan sa screening committee sa pagduwa tungod sa "residency rule."
Si Aying milayat sa Don Bosco Technology Center (DBTC) Greywolves, kinsa sakop sa CESAFI, apan
kinahanglan mo-residence og duha ka tuig.
Si Reroma gibadlong ni CESAFI Commissioner Felix O.Tiukinhoy Jr. ug gibaharan nga kun iyang pasudlon si
Aying, iyang ipa-forfeit ang maong duwa. Hinuon niadtong duwaa, napilde ang Baby Warriors, 74-77
ngadto sa University of the Visayas (UV) Baby Lancers.
Didto may mitumaw nga kontrobersiya ug wala pagsinabtanay nilang commissioner Tiukinhoy ug coach
Reroma.
Si Tiukinhoy misuwat ngadto kang Reroma aron pangayoan sa iyang pamahayag kun nganong dili siya mag-
atubang og silot tungod sa iyang gibuhat nga matud pa "unethical" alang sa usa ka coach.
Gitubag kini ni Reroma niadtong Agosto 23, 2013 ug iyang gi-address ang maong suwat ngadto kang
CESAFI President Fr. Manuel A. Uy, SJ.
Kagahapon, migawas ang desisyon ug dili masilotan og one-year suspension si Reroma.
Ning pagsuwat, wala pa makuha sa Banat News ang reaksyon ni Reroma tungod kay subsob ang ilang
pagpangandam batok sa Sacred Heart School-Ateneo de Cebu (SHS-AdC) Magis Eagles, kinsa si Fr. Uy sab maoy
presidente sa maong tunghaan.
Sa laing bahin, napakgang sa Sacred Heart School-Ateneo de Cebu (SHS-AdC) Magis Eagles ang mga
mainitong rally sa University of San Calos (USC) Baby Warriors aron moiskor og 78-72 nga kadaugan sa semifinal sa
secondary match kagabii didto sa Cebu Coliseum.
Si Jair Igna mihimo’g season-high 32 puntos alang sa Magis Eagles diin 20 niini iyang nahimo sa first half.
Silang Arnie Padilla ug Giovanni Laguyo mitusik og 11 ug 10 puntos matag usa alang sa Magis Eagles nga
nagtangag og 2-1 nga baraha.
Ang Baby Warriors nga adunay 1-2 nga baraha gipangulohan ni Ian dela Cruz pinaagi sa iyang 16 puntos,
samtang si Jed Baltazar miamot og 15 puntos. (BANAT NEWS)