CEBU, Philippines - Mipataroy og three-point ang beteranong guard nga si Ernesto Limitares Jr. duol sa katapusang 4.9 segundos
sa duwa aron baswaton ang University of the Visayas (UV) Baby Lancers ngadto sa kulbahinam nga kadaugan batok sa
University of San Carlos (USC) Baby Warriors, 77-74 sa pagbukas sa 13th Cebu Schools Athletic Foundation Inc.
(CESAFI) kagahapon didto sa Cebu Coliseum
Ning pagsuwat, padayon pang nagkumbati ang nine-time champion UV Green Lancers batok sa kanhi back-
to-back champion University of Cebu (UC) Webmasters.
Wala makaduwa ang pambato ug usa sa labing maayong player sa secondary karon nga season nga si Scott
Aying tungod kay wala pa matarong og screen ang iyang rekord. Matud pa, kagahapon lang mahatag sa USC Baby
Warriors’ coaching staff ang mga papeles niini.
Si Jun Kent Manzo maoy nangulo sa Baby Lancers nga mipabuto og 22 puntos, gisundan ni John Carlo
Escalona nga adunay 15 puntos, samtang si Limitares miamot lang og nuybe puntos, apan ang iyang tres maoy nakaluwas
sa koponan. (BANAT NEWS)
PUNTOS MATAG USA
UV (77) - Manzo 22, Escalona 15, Limitares 9, Diaz 8, Villamor 7, Flores 8, Cañete 4, Ugsang 2
USC (74) - Villagracia 21, P. Galinato 14, Antigua 12, Dela Cruz 10, Baltazar 9, Suelto 5, Ortega 4