Bukas sa posibilidad nga malakip sa coaching staff sa Smart Gilas nga mohimo sa ilang kampaniya sa 27th FIBA Asia Championship si multi-titled PBA coach Tim Cone.
Ang coach sa San Mig Coffee Mixers dili na bag-o isip kabahin sa national team tungod kay siya ang head coach sa Philippine Centennial Team nga miduwa sa 1998 Asian Games.
Alvarez kuyaw madisgrasya
Wa makauyon si World Boxing Council President Don Jose Sulaiman sa hukom ni light middleweight champ ug iyang kababayan nga si Saul Alvarez sa pagdawat sa tanyag nga moaway ni Floyd Mayweather Jr. sa Septiyembre didto sa Las Vegas.
Nakita ni Sulaiman nga dakung sayup ang pagsukol ni Alvarez ni Mayweather tungod kay usa ka ‘mismatch’ ang sangka tali sa duha.
San Miguel sulod sa finals
Mimartsa sa finals sa ASEAN Basketball League (ABL) ang San Miguel Beermen human nila gilampornas ang Thailand Slammers, 77-61, sa semifinals niadtong miaging gabii didto sa Bangkok, Thailand.
Ang Beermen moatubang sa defending champ Indonesian Warriors sa ‘best-of-five’ finals series sugod sunod semana.
Lee gioperahan sa hawak
Malampuson ang gihimong operasyon sa na-injured nga hawak ngadto ni Golden State Warriors All-Star David Lee.
Si Lee usa sa mga yawi sa dakung kalambuan sa Warriors karon nga season diin miabante sila ngadto sa second round sa playoffs sa wala pa sila mapukan sa San Antonio Spurs.