Keiz bj mopasiugda'g lumba sa borbon ug bogo

CEBU, Philippines -  Bun-og  ug  lapoy sa  lawas  ang  masinati   unya sa pipila ka mga dekalibreng motocrossers lukop nasud

nga mopakita sa ilang katakus dihang ang Keiz BJ Motors mopasiugda og duha ka sunod-sunod nga lumba karong

weekend sa managlahing binyu dinhi sa probinsiya sa Sugbu.

 Ang unang lumba nga pagaulohan og Mayor Butch Sepulveda Invitational Motocross Competition ipahigayon

karong Biyernes didto sa Logo-Borbon racetrack sa lungsod sa Borbon sa amihanang bahin sa Sugbu.

 Si Keiz BJ Motors big boss Siegfred Ornopia naglantaw og laing kulbahinam ug makapaukyab nga salida  sa

mga banggiitang riders dinhi sa nasud sa maong kompetisyon nga usa sa mga kalihukan sa tinuig nga kapistahan sa Logo sa

Mayo 30 pahinungod sa ilang mahal nga patron San Isidro Labrador.

 Matud pa ni Ornopia nga ang pagpahigayon sa kalihukan usa usab sa paagi ni Sepulveda sa pagpasalamat

ngadto sa  katawhan sa Borbon sa iyang pagkasubli  isip amahan sa maong lungsod.

 Ang mga masidlakong  anak ni Ornopia mopakita usab sa ilang abilidad sa tagsa-tagsa  nila ka dibisyon. Si

Keizer mopakita'g aksiyon sa junior 65cc., si Ken-Ken molumba sa junior 85cc., samtang si Brylle modagan sa junior 85

cc. ug sa beginners.

 Mosalida usab si Siegfred Ornopia, ubos sa executive division.

 Daghang mga kategoriya ang tigian ning usa ka adlaw nga kompetisyon nga gisuportahan ni Gitoy Ornopia

uban sa crew members nga sila si Richard Nellas ug  Diomedel Buto.

 Human sa Borbon, ang Keiz BJ Motors mopasiugda na sab og lumba nga ulohan og "Mayor Celestino 'Junnie'

E. Martinez Jr. Invitational Motocross Competition karong Domingo didto sa standard race course kilid sa bag-ong City

Hall sa Bogo.

 Gipaluyohan kini ni Dr. Felipe Montejo, Brgy. Capt. Clive Bendijo ug sa crew members nga sila si Agaton

Riveral ug Richard Nellas.

 Ang lumba tipik usab sa tinuig nga kapistahan sa  mahal nga patron sa Bogo, San Vicente Ferrer karong Mayo

27.

 Ang celebrity rider nga si Jordan Herrera mopakita'g aksiyon sa nahisgutang duha ka lumba. Si Herrera usa sa

mga bida sa salidang "Kahit Kunting Pagtingin" sa ABS-CBN.

 Katapusang lumba nga naapilan ni Herrera niadtong Marso 31, 2013 atol sa Keiz BJ and Phoenix Cyclomax

Titan Invitational Motocross didto sa Tuburan, Cebu diin mipahiluna siya sa ikatulong dapit ubos sa novice category. (BANAT NEWS)