Boom Boom modepensa na sa iyang WBO title
DAVAO City, Philippines - Oras na ni Rey 'Boom Boom' Bautista (34-2, 25KOs) aron ipakita nga andam na siya sa laing world title shot dihang modepensa kini sa iyang WBO International featherweight belt batok ni Mexican Jose 'Negro' Ramirez (24-3, 17KOs) sa main event sa "Pinoy Pride XIX: Mexican Invasion fightcard karong gabii didto sa University of Southeastern Philippines (USEP) gymnasium. Human sa sunod-sunod nga kapildihan sa Filipino ring stars nga silang Brian Viloria ug Nonito Donaire Jr., ang 26-anyos nga si Bautista nagtuo nga iyang mapabarog og balik ang bandera sa Pilipinas sa kalibotan sa boksing.
"I consider this fight very important and I want to show them that the old Boom Boom is back," matud ni Bautista atol sa official weigh-in kagahapon didto sa SM City-Davao.
Ang duha ka protagonista parehong mitimbang og 126 pounds.
Ang garbo sa Candijay, Bohol miingon nga mangita siya og knockout win, apan andam sab siya sa higayon nga ang away mosangko sa gikatakdang 12 ka hugna.
Si Bautista, kinsa gikan sa eight-fight winning streak, mohimo sa iyang unang pagdepensa sa WBO regional belt nga iyang nasakmit pinaagi sa split decision nga kadaugan batok ni Mexican Daniel Ruiz niadtong Oktubre 20 sa imaging tuig didto sa Mall of Asia Arena sa Pasay City.
Sa supporting main event sa maong fight card sa ALA Promotions ug ABS-CBN Sports, si OPBF flyweight
champion Rocky 'Road Warrior' Fuentes (34-6, 20KOs) makigsangka ni Mexican knockout artist Juan 'Loquito' Kantun (20-3, 15KOs).
Sa laing gikahinamang sangka sa duha ka undefeated Filipino boxers, si 'King' Arthur Villanueva (20-0, 11KOs) mosugal sa iyang OPBF super flyweight title batok ni Marco Demecillo-Singwangcha (18-0-1, 14KOs) sa Rex 'Wakee' Salud Stable.
- Latest
