Gibutyag ni Filipino boxing icon Manny Pacquiao nga gusto niya ang ideya nga adto sa Macau ipahigayun ang gipaabot niyang comeback fight.
Si Pacquiao kinsa dili na gusto nga moaway sa Estados Unidos tungod sa dakung tax namahayag nga haom ang Macau nga sunod venue sa iyang away. (LPM)
Peñalosa Bros. mopirma sa Top Rank
Human sa ilang impresibong performance niadtong Sabado, gikatakda karon nga papirmahon og kontrata sa Top Rank Inc. ang managsuong Dodie Boy Jr. ug Dave Peñalosa
Ang duha pulos miiskor og impresibong knockout nga kadaugan batok sa tagsa-tagsa nila ka mga Thai nga kontra didto sa Macau. (LPM)
Filipino MMA fighter mi-KO sa kontra
Gikastigo ni Filipino Mixed Martial Arts (MMA) fighter Kevin ‘Silencer’ Belingo ang iyang Australian nga kontra nga si Vu Thanh kinsa iyang gi-KO sa second round sa ONE Fighting Championshiop (ONE FC) niadtong miaging gabii didto sa Singapore Indoor Stadium sa Singapore. (LPM)
Gasca midaog didto sa Japan
Nagmadaugon si kanhi PABA bantamweight champion Roli ‘Gasolina’ Gasca sa iyang pagpanung didto sa Japan human siya miiskor og usa ka majority draw nga kadaugan batok ni kanhi WBA champion Akifumi Shimoda.
Si Gasca midaog sa sa iskor nga 97-94, samtang duha ka hurado ang mitabla niini 96-96 ug 95-95. (LPM)