CEBU, Philippines - Sa dili pa siya musalmot sa 2013 World Cup didto sa Tromso, Norway, misalmot una si Grand Master Wesley So sa 27th Summer Universiade sa Kazan, Russia unya sa Hulyo 6-17.
Didto, iyang ikasangka ang labing mga maayo ug batan-ong chess player sa lain-laing dapit sa kalibotan.
Si So maoy usa sa labing maayong chess players ug siya maoy morepresentar sa Pilipinas didto sa Republic of Tatarstan nga nailhan na kaayo sa nangaraan nang mga edipisyo diin nagtipon ang Eastern ug Western cultures.
Ang 20-anyos nga si So maoy gipili nga ipadala sa Kazan sa mga opisyales sa Federation of School Sports Association of the Philippines (FESSAP), ang bugtong grupo nga giila sa International University Sports Federation (FISU).
“I’m looking forward to play in the Kazan Universiade for the first time and represent the country again,†sumala pa ni So kinsa maoy gipili ni FESSAP president David Ong ug chef de mission Antonio Tiu of AgriNurture (ANI).
Midugang sa pag-ingon si So nga, “This will also be a good opportunity for me to hone my game in preparations for the Tromso World Cup.â€
Si So sakop sa Webster University ‘Magnificent 8’ ubos sa SPICE founder nga si Susan Polgar.
Moderetso na lang siya'g adto sa Moscow unya sa Hulyo 6 gikan sa St. Louis, Missouri diin tua karon siya magtungha sa unang ang-ang sa kolehiyo.