USC mipilde sa UC sa ilang tune-up game
CEBU, Philippines - Isip pagpangandam sa umaabot 7th CESAFI Partner’s Cup, gipamatud-an sa University of San Carlos (USC)
Warriors nga duna sila'y kahigayonan nga modaog batok sa mas lig-on nga team human ilang gipilde ang University of
Cebu (UC) Webmasters, 70-60 sa ilang tune-up match niadtong Biyernes sa gabii didto sa Cebu Coliseum.
Ang Warriors aduna pay duha ka tune-up games batok sa University of San Jose-Recoletos (USJ-R) Jaguars
ug sa Cebu Institute of Technology-University (CIT-U) Wildcats sud ning semanaha.
Gipakita sa ilang sentro nga si Charles Pepito ang iyang kaandam pagpangulo sa Warriors dihang gidominar
niya ang ilawom batok sa gagmay nga Webmasters, kinsa nagsalig lang sa ilang kapaspas ug kaabtik.
Ang pito ka sunod-sunod nga puntos ni Ian Cesar Ortega maoy nagduslit sa mainitong rally sa Warriors sa
katapusang singko minutos. Gitiwasan pa kini nilang Anthony Guy Romaguera ug Pepito nga maoy mihimo sa katapusang
singko puntos sa Warriors aron pagselyado sa kadaugan.
Ang CESAFI Partner's Cup sugdan karong Abril 14 diha gihapon sa Cebu Coliseum. (BANAT NEWS)
- Latest
