CEBU, Philippines - Usa kini ka talagsaong hitabo tungod kay ang duha ka dili rated nga Sugbuanong magduduwa ang magsangka sa finals sa boys 18-under division sa 14th Tru-Flex National Age-Group Tennis Championships didto sa Lapu-Lapu City tennis courts.
Sila si Changmai Necesario ug Joshua Kinaadman mipukan sa ilang tagsa-tagsang kaatbang aron moabante sa finals.
Unang nakasud sa finals si Necesario human niya gipalagpot ang kauban niyang Sugbuanon nga si Marc Norman Enriquez, samtang si Kinaadman nakakuha og pasaporte sa final pinaagi sa pagpilde ni Emmanuel Vacalares, 6-2, 6-2.
Sa boys 14-under category, si Bryan Otico mipilde sa top-seeded nga si Jan Godfrey Seno, 6-0, 6-0.
Laing duha ka pambato sa Sugbu nga sila si Zethley Mae Alferez ug Shyne Villareal pakyas pag-abante sa final round sa girls 14-under.
Si Alferez napilde ngadto ni Adithya Karunaratne sa Sri Lanka, 6-2, 6-3, samtang si Villareal miyukbo ngadto ni Angela Cabaral, 6-2, 6-1.
Si Karunaratne moduwa sab sa final sa girls 12-under batok ni Carlyn Bless Guarde sa Sultan Kudarat.
Lain pang moduwa sa finals mao sila si Nio Tria Picache batok ni Tristan Kwok sa Hong Kong sa 12-under, Bryan Otico batok Fabien Callaud sa 14-under, Alexandra Eala batok Chu Kei Leung sa unisex 10-under ug Roxanne
Mae Resma batok Khim Iglupas sa girls 16 ug sa 18-under divisions.