CEBU, Philippines - Midaog dayon ang team sa Brgy. Maguikay dihang ilang gilubong ang Brgy. Casuntingan, 63-51 sa pagbukas
sa 6th Season Mandaue Mayor's Cup Inter-Barangay basketball tournament didto sa Mandaue City Cultural and Sports
Complex.
Nagtabla ang duha paghuman sa first period, 12-all, apan kalit nanginit ang Maguikay ug mipabuhagay og
28-15 run pinangulohan nilang kanhi CIT-U Wildkittens pointguard Jonher Espina ug power forward Carl Anthony
Patindol aron molabaw og 13 puntos sa iskor nga 40-27 sa halftime.
Mibawos unta ang Casuntingan sa third period ginamit ang ilang 13-7 run ubos sa pagtimon ni Remus Cecille
Caballes aron pahakan ang labaw, 40-47 pagsugod sa fourth quarter, apan wala sila makasustiner sa mga opensa sa
Maguikay.
Si Espina mipakatap og 24 puntos, lakip na ang unom ka triples aron pangulohan ang Maguikay. Sila si
Patindol ug Alvin Nale nagkumboya og 33 puntos alang sa maong kadaugan.
Ang napildeng Casuntingan gipangulohan sab ni Caballes pinaagi sa iyang 12 puntos
Puntos matag usa
MAGUIKAY (63) - Espina 24, Patindol 23, Nale 10, Rondina 4, Bayate 2
CASUNTINGAN (51) - Caballes 12, Sanchez 7, Acain 6, Ibano 5, Montesclaros 5, Ocao 5, Barrientos 4,
Densing 4, Ramas 2, Monte 1 (BANAT NEWS)