CEBU, Philippines - Nagsalig sa ilang kuwadro alas ang Brgy. Bankal aron mapusoy ang Brgy. Buaya, 95-59 sa Seniors division sa nagpadayong aksiyon sa Lapu-Lapu City Inter-Barangay basketball tournament niadtong Huwebes didto sa Lapu Lapu Gym sa nahisgutang dakbayan.
Upat ka magduduwa sa Brgy. Bankal ang mikadlit og double figures nga gipangulohan nilang Bonbon Booc ug Villomo nga miiskor og 14 puntos matag usa. Si Roy Inot mihirit og 11 puntos, samtang si Daño midiga og 10 puntos alang sa unang daog sa Bankal ni Brgy. Capt. Mario Inot ug coach Josak Arong.
Ang natutyo nga Buaya ni Brgy. Capt. Lauro Soroño gipangulohan sab nilang Casio ug Booc nga mitukob og 12 puntos matag usa ning maong torneyo nga gipaluyohan ni Mayor Paz Radaza, Don Harry Radaza. Gisuportahan usab kini nilang Larry Villanel, Randy Ymbong ug Tata Ymbong. Gipadagan kini ni commissioner Chuky Caro uban ni Edwin Amistad.
PUNTOS MATAG USA
BGRY. BANKAL (95) - Booc 14, Villomo 8, R. Inot 11, Daño 10, Martel 8, M. Inot 8, R. Villomo 8,
Pangatungan 6, Cañete 5, Canoy 4, Catalan 2
BRGY. BUAYA (59) - Casio 12, Booc 12, Piape 10, R. Soroño 8, J. Inot 6, Borbajo 4, Fuentes 3, B.
Soroño 2, J. Soroño 2