CEBU, Philippines - Gibaraw sa San Carlos Heights (SCH) five ni skipper Yoly Meso ang three-game winning streak sa mas paboritong Mariquit Aqua Venture pinaagi sa pag-iskor og 91-85 nga kadaugan niadtong Domingo aron maghupot og 3-2 nga baraha sa nagpadayong second season sa Upper Bayanihan Catholic Association (UBCA) Camp-2013 basketball tournament didto sa barangay Quiot Sports Complex.
Naglabaw og single-digit ang Mariquit Venture sa unang duha ka quarters pinaagi sa mga puntos nilang Dong Gabonia, Glen Tuburan ug Bowen Canarias apan naka-apas dayon ang SCH ni coach Norwin Honoridez didto sa third period dihang gipahugtan nila ang depensa ug misukli'g 29-16 rally aron molabaw pagsugod sa fourth quarter.
Mibahug og 10 puntos si Yoly Meso didto sa third period ug mitabang pagpamuntos ang kanhi SIT Skyblazer nga si Jun Sumargo aron maglabaw og sayis puntos sa fourth period, 72-66.
Silang Sumargo ug Barak Ecojedo maoy nangu sa SCH sa ilang 18 ug 16 puntos, matag usa samtang ang Mariquit Ventures gipangulohan nilang Gabonia ug Tuburan kinsa miposa og 16 ug 15 puntos, matag usa.
Sa sayo pa, gipatapsingan sa Quiot dribblers ang Grace Bostolits, 101-100 alang sa ilang ikaduhang daog sulod sa unom ka duwa.
Silang Abellanosa ug Belo Allera maoy nangu sa Quiot sa ilang 26 ug 16 puntos matag usa.
Mibahug og 24 puntos si Malalay aron pangulohan ang Bostolits ug midugang si Toly Petiluna ug 21 puntos.
Puntos matag usa:
First Game:
QUIOT (101)- Abellanosa 26, Allera 16, Fabrea 15, Roma 14, Osorno 14, Intud 11, Conde 5.
BOSTOLITS (100)- Malalay 24, Petiluna 21, Francisco 18, Llamedo 12, Dela Peña 11, Regis 6, Murillo 4, Patrimonio 2, Llanura 2.
Second Game:
SCH (91)- Sumargo 18, Ecojedo 16, Meso 14, Dela Cruz 10, Sadorra 7, Celestial 7, Español 7, Abelido 6, Ortiz 4, Galdo 2.
MARIQUIT (85)- Gabonia 16, Gl. Tuburan 15, Canarias 14, Sabandeja 11, Caballero 10,Borces 9, Pañares 4, Niel-Jaz 4, Ge. Tuburan 2.