CEBU, Philippines - Posible pa nga di mahinayon ang unification bout tali nila ni Filipino boxing superstar Nonito Donaire ug Cuban champion Guillermo Rigondeaux tungod sa isyu sa drug testing.
Si Donaire ug Rigondeaux gitakda nga magsangka alang sa WBO ug WBA super bantamweight title, apan subling mipasidaan si Donaire nga musibug sa away human wa gihapon makompleto ni Rigondeaux ang mga papeles niini alang sa drug testing.
Ang Filipino boxing champion namugos nga ipaubos si Rigondeaux sa drug testing sa Voluntary Anti-Doping Association (VADA) aron maseguro nga di tigamitan og illegal drugs ang Cuban boxer.
Si Rigondeaux gikataho nga gidala karon sa kontrobersyal nga conditioning coach nga si Angel Heredia kinsa nakumbikto na sa una nga mipagamit og steroids sa iyang mga atleta.
Ang kapikas ni Donaire nga si Rachel kinsa maoy nag-monitor sa papeles sa drug-testing ni Rigondeaux miingon nga wala kompletoa sa Cuban ang detalye sa mga dokumento nga isumiti niini sa VADA nga posibleng rasun nga di mahitabo ang drug testing niini.
Tungod niini, ang four-division world champion nga si Donaire mibahad nga kun magpadayon sa paglangay-langay si Rigondeaux, hingpit siyang moatras sa away. (gikan sa boxingscene.com)