CEBU, Philippines - Ipakita ni undefeated Cebuano Mixed Martial Arts (MMA) fighter Vaughn 'Spawn' Donayre ang iyang abilidad sa iyang sangka batok ni Manila striker Robert sa Universal Reality Combat Championship (URCC)-Unleashed sa Marso 2 didto sa Baguio Convention Center, Baguio City.
Si Donayre nga moaway ubos sa bandera sa Yaw-Yan ArDigma Cebu ug DEFTAC Cebu mosuway pagsakmit sa iyang ikalimang sunod-sunod nga daog sa URCC nga mohatag unya niya og dalan alang sa URCC lightweight title.
Ang 30-anyos nga si Donayre maoy labing unang Sugbuanon nga moaway didto sa Baguio, ang MMA capital sa Pilipinas.
"My plan is just to keep busy fighting and winning and maybe it will open up a chance for me to be contender
for the title," matud pa sa 30-anyos nga si Donayre. Uban ni Donayre didto sa Baguio mao si Yaw-Yan ArDigma Cebu Master Benigno 'Ekin' Caniga Jr. ug anak niining si international MMA tournament champion Johnlery
Ian Caniga.
Katapusang niaway si Donayre niadtong Enero 19 diin siya midaog pinaagi sa first round ambar batok sa
Mindanao fighter nga si Allan 'Gameplan' Atup sa URCC Cebu-Survival didto sa J Centre Mall Convention Center sa A.S. Fortuna St., Mandaue City. (BANAT SPORTS)