Phl vs. Syria sa Davis Cup
CEBU, Philippines - Krusyal nga duwa ang sagubangon sa Philippine Team sa ilang pakigharong sa Syria sa Davis Cup karong Pebrero 1 ngadto 3 didto sa Plantation Bay Resort and Spa sa Lapu-Lapu City.
Ang Pilipinas kinahanglan nga modaog batok sa Syria aron mabalik ang ilang koponan sa Group 1 sa Asia-Oceania Zone.
"Because we lost in the previous two Davis Cup tournaments, we want to give Cebu its first win," matud pa sa Phl team captain Rolan Kraut sa The Freeman, ang igsuong mantalaan sa Banat News.
Ang Team Phl gilangkuban sa mga banggiitang Pinoy international tennis players sama nilang Ruben Gonzales, Treat Huey, John Arcilla ug Elbert Anasta.
Si Huey, kinsa nakaduwa na kaniadto sa Australian Open nagkanayon nga daku ilang pagsalig sa usa'g-usa nga modaog batok sa bisitang players gikan sa Syria, apan nangayo siya og suporta gikan sa mga Sugbuanon fans.
Gawas sa homecourt advantage, ang Team Phl nag-uban sud na sa duha ka tuig ug sinati na sila sa lihok sa usa'g-usa.
- Latest
