CEBU, Philippines - Sugdan na ang semifinal round sa 2012 Governor Gwen Garcia Unity Volleyball (GUV) Cup karong adlawa diha sa Cebu International Convention Center (CICC) sa Mandaue City.
Unang magsangka mao ang kiddies division diin ang topseed sa Group A nga Compostela makigharong sa
Moalboal, ang No. 2 sa Group B.
Sundan kini sa duwa tali sa defending champion Mandaue ug Catmon.
Mao usab ang women's division, ang Mandaue moharong sa Catmon sa crossover semifinals.
Laing magsangka mao ang runner-up sa miaging tuig nga Talisay batok sa Liloan.
Sa men's division, ang Mandaue misikit na sa lingkoranan sa semis human milansang sa ilang ikaduhang sunod-
sunod nga daog gikan sa mga kamot sa Toledo City, 25-21, 25-16.
Ang Mandaue makigsawo sa liderato uban sa Carcar sa managsaman nilang 2-0 win-loss records.
Sa laing bahin, ang Sta. Fe midaog na gyud sa tulo nila ka duwa. Human miyukbo ngadto sa Mandaue ug
Carcar, ang Sta. Fe nakabangon human midaog sa Moalboal sud sa tulo ka sets, 25-25, 20-25, 25-22.
Sa Group A, ang Liloan nagsawo sab sa liderato uban sa Talisay sa ilang 2-0 nga baraha. Ang Liloan misakmit
sa ilang ikaduhang daog pinaagi sa pagpilde sa Asturias, 25-12, 25-20.
Sama sa Sta. Fe, ang Bantayan miputol sa ilang duha ka pilde human midaog batok sa Ronda, 25-12, 25-18. (BANAT SPORTS)