CEBU, Philippines - Mikatkat sa ikaduhang dapit ang Super Idols human ilang gidemolis ang Pecandela Law Firm, 65-50 sa 9th Integrated Bar of the Philippines (IBP) 2012 basketball tournament niadtong Sabado didto sa Capitol Parish gym sa dan Escario, ning siyudad.
Human magtabla, 17-all sa first period, ang Super Idols mi-rally sa giya nilang Ramsey Quijano ug Eugene Sumampong aron moiskor og 35-27 nga bentaha sa halftime.
Ang beteranong sentro nga si Fermin Pepito ug si Benjo Macion maoy nangu sa Super Idols sa ilang 15 ug 13 puntos matag usa, samtang sila si Quijano ug Sumampong parehong miiskor og 11 puntos.
Ang Pecandela gipangulohan ni Tommy Yu, kinsa mipupo og 17 puntos ug gisundan ni Sam Malazarte nga adunay 12 puntos.
Sa laing bahin, ang Dissenters mibuntog sa Eagles sa iskor nga 65-58 ubos sa pagpangulo ni kanhi UC Webmasters skipper Kenneth Kern Sesante, kinsa mibahog og 32 puntos.
Nangulo sa naparot nga Eagles mao silang Al Lagahit ug Ian Santos nga nagkumboya og 33 puntos.
Puntos Matag Usa
Unang duwa:
Super Idols (65) - F. Pepito 15, Macion 13, Quijano 11, Sumampong 11, Arrabis 9, Piquero 2, B. Pepito 2, Salubre 2
PECANDELA (50) - Yu 17, Malazarte 12, Gamallo 7, Tenefrancia 6, Tomaodos 4, Avila 3, Enad 2
Ikaduhang duwa:
DISSENTERS (65) - Sesante 32, Asis 10, Sususco 9, Sarno 6, Sucalit 6, Rosal 2
EAGLES (58) - Santos 20, Lagahit 13, Canta 12, Solis 6, Avila 2, Suson 2, Puspus 2, Abcede 1 (BANAT SPORTS)