Barrera mibisita ni Pacquiao

Usa ka wa damhang bisita ang miduaw ngadto ni Manny Pacquiao kinsa padayung nag-train didto sa Wild Card Gym sa Los Angeles alang sa iyang sangka batok ni Juan Manuel Marquez sa Disyembre 8 didto sa Las Vegas.

Obama ngilngig sa basketbol

Mibilib si kanhi Chicago Bulls player ug Hall-of-Famer nga si Scottie Pippen sa abilidad ni US President Barack Obama sud sa basketball court.

Nasayran nga si Obama mituyo pag-adto sa Chicago diin siya miduwa og basketball samtang nagpaabot sa desisyon sa eleksyon niadtong miaging adlaw diin midaog siya sa iyang ikaduhang termino.

Phl Azkals nisaka sa ranking

Nakuha sa Philippine Azkals ang labing taas nilang ranking sa kasaysayan human sila misaka ngadto sa rank 143 sa FIFA world rankings. Sa maong kalampusan, ang Azkals nahimo usab nga ika-20 sa labing maayong koponan sa Asya.

Rigondeaux hadlok ni Francisco

Nangangkon ang kampo ni Pinoy contender Drian Francisco nga nahadlok kanila ang WBA super bantamweight champion nga si Guillermo Rigondeaux.

Si Francisco mao na unta ang challenger alang sa bakus ni Rigondeaux, apan ang Cuban champion mas mipabor sa sangka batok ni Thai Poonsawat Kratingdaenggym sa Disyembre 15 didto sa Texas.