Mamahimo bang maoy mopirma sa Deed of Sale bisan dili maoy tag-iya sa gibaligya nga sakyanan?

Dear Atty. Divine,

Ang akong igsuon adunay sakyanan nga gusto unta nilang ibaligya before siya molarga sa abroad. Next week na sila molarga sa iyang pamilya sa Australia apan hangtud karon, wa pa gyud mahalin ang ilang sakyanan. Mamahimo ba nga ako ang mobaligya niini og mopirma sa Deed of Sale kon pananglit naay buyer og nakalarga na ang akong igsuon? —Myra

Dear Myra,

Yes, mamahimong ikaw ang mobaligya og mopirma sa Deed of Sale sa sakyanan sa imong igsuon basta aduna kay Special Power of Attorney kon SPA gikan kaniya. Kinahanglan sab nga ibilin sa imong igsuon ang original OR ug CR sa iyang sakyanan kay imo man kining I turnover unya sa mopalit. Busa ang maayong buhaton sa imong igsuon mao ang pagpahimo og Special Power of Attorney nga nag authorize kanimo sa pagbaligya og sa pagpirma sa Deed of Sale sa iyang sakyanan.  Thank you and God Bless! —Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.