Krus ni Kristo

Kuyog sa akong Parish Pastoral Council ug pipila ka mga parokyano. nisaka ko sa komedor sa kumbento sa Carcar. Niabot ang akong classmate nga si Fr. Ruel kay lagi manakay mi sa sakyanan padulong sa dapit nga pagasugdan sa prosesyon.

Tuod man nisakay mi apan sa among pagsakay nahatagan ko og assignment nga usa sa mga pari nga modala sa krus gikan sa Rizal Park padulong na gyud mismo sa Simbahan.  Daghan ang mga tawo nga nikuyog. Han-ay ang pamaagi bisan pa man sa kahagip-ot sa panahon sa pagpangandam ug Nakita na gyud ang ka solemne niini.

Sulod sa maong pagbukas sa tuig sa Hubileo sa Paglaum nilutaw ang kamahinungdanon sa Krus ug Siya nga Gilansang niini.

Tinuod diha sa krus nibathay kun sa unsang paagi nahiagom ang atong Ginoo sa kapintas nga tawhanon. Apan bisan pa man sa maong mapintas nga kamatayon anaa ang kaluwasang dayon. Kun napukan ang Ginoo sa dihang siya Gilansang sa Krus apan sa samang higayon nagmadaugon siya batok sa karaang kaaway nga mao ang yawa.

Ang Hubileyo sa Paglaum kun HOPE ang nagdasig kanato ning mosunod:

Holiness is universal Calling. Tawag ni natong tanan. Ato kining pagaisipon nga damgo ug tinguha nga kita mamahimong mga santos.

Nunot niini ang Holiness maghatag man kanato og tinuod nga kalipay kun JOY tungod kay ang tanan tungod man kang Jesus, Others ug You! Nga nagpanaw padulong sa Gingharian aron mahatagan og katumanan sa Damgo sa Amahan.

Open unta kita sa kabubut-on sa Dios alang kanato ug nga Optimistic unta kita nga luyo sa dag-om anaa ang kahayag sa adlaw.

Prayer is necessary bisan pa man kun wala kitay gipangayo sa Dios kahigayonan kini sa pagpakigsulti kaniya.

Unta Molahutay kun mo Persevere kita diha sa atong panaw sa pagtuo.

Eucharist mao man ang kasaulogan diin nakigtagbo kita sa Dios diha sa atong kinabuhi. Nagpasabot usab kini og pagpasalamat.

Ang timaan sa pagkamapasalamaton, mao ang pagkamapaambiton! Ako mapasalamaton kaayo sa maong kahigayonan.