Dear Atty. Divine,
Nagtrabaho ko sa usa ka kompaniya sud na sa duha ka tuig. Sukad sa akong pagtrabaho maihap lang ang higayon nga gitugutan ko nga maka day-off. Matud sa among supervisor nga ang day off optional daw. Busa kadtong mo-request og day off tugutan sa kompaniya apan kadtong nagkinahanglan og dugang income ug di mo request of day off, mamahimo silang motrabaho matag adlaw. Apan ang uban nako nga mga kauban nga pamilyado nangreklamo kay halos wa na silay panahon sa ilang pamilya. Ang akong pangutana kun aduna ba kami katungod nga mo demand og regular nga day off matag semana? Daghang salamat. -- Ronnie
Dear Ronnie,
Basi sa Article 91 sa atong Labor Code, ang matag empliyado adunay katungod nga mo day-off makausa sa usa ka semana. Ang kompaniya o employer adunay responsibilidad nga mohatag og rest period sa ilang mga trabahante human sa unom ka adlaw nga pagtrabaho niini. Samtang kun ang empliyado mismo ang mohangyo kun unsang adlawa ang iyang day-off tungod sa iyang religion then kinahanglan nga tugutan sab kini sa employer. Busa sa imo nga kaso, yes, mamahimo kamong maka-demand sa inyong employer og regular nga day-off maka usa sa matag semana. Thank you and God Bless! -- Atty. Divine
Alang sa inyong pangutana, palihug lang sa pag-email sa flores_divina @yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.