Sugdan na nato sila paghimbis

Nakaduso na gyud sa ilang certificate of candidacy ang tanang mga nagtinguha nga moserbisyo sa katawhan kagahapon adlawa. Busa digahay na gyud sa mga nawong kong kinsa kining mga tawhana nga himbisan sa katawhan. Hinuon ang uban dugay naman nangulitawo sa mga botante ilabi na kadtong atat na kaayo nga magpapili sa May 2025 election.

Sa akong pakig-estorya sa pipila kanila managsama ra gihapon ang ilang tonada sa ilang panaad kong sila mapili man o masublian sa pagpili nga mao ang pagserbisyo sa mga tawo nga mao ra usab ang naandan nga gihuwat sa mga botante.

Halos karaan naman ang mga dagway nila, naa may mga bag-o apan tungason pud kaayo kay lagi wala man mailhi. Pero kong tagaan lang pud seguro sila og kahigayonan nga mailhan posibleng sila ang kasolbaran sa dugay na nga suliran.

Naa may mga nangaraan na ug nagbalikbalik na sa serbisyo kon nasuwayan na ang ilang katakos. Apan dili lang sa ka maayong laki kon dili sa ka wala puy kapuslanan nga igo ra sa saad apan pakyas ang ang pagtuman.

Dili man hinuon tanan apan nga mga karaan sa politika dautan kay naa man pud gyuy adunay agi nga haum lang pud mahatagan og higayon nga mapadayon ang ilang gisugdan nga programa alang sa katawan.

Naa na sa kamot karon sa mga tawo ang pagpasyaw kanila na sa ibabaw sa palad kon makombinser ba nga sila ang pilion sa umaabot eleksyon. Apan depende gihapon na kong mabali ug ang mga tawo ang gisahon sa kaugalingong mantika ilabi na kon ang sugnod nga gamiton ang kwarta aron sila ang pilion.

Kausaban ang sige og saad niining mga kanahan. Maayo unta matinood ang kausaban sa kaayohan kon dili kausaban sa mas dautan pa nga sangpotanan. Isalig nalang natong tanan sa atong konsensiya kon duna pa man ug dili magpadala sa kwarta nga ibaylo sa kaugamaon ilabi na sa kabataan.

Ila ilahon nato silang tanan kong kinsa ang angayan nga hatagan nayo sa pagsalig sa umaabot nga pagpili sa mga public servants.