Stay young as you grow old

Mahimo ba gud ni? Sa ato nang gibalikbalik dinhi, giingon nga “Refuse to grown old. Sure you will grow old. But you can stay young. Young in looks, young in thinking, and young at heart.”

Daghan kita’g kauban nga mga babayeng senior citizens nga mga guwapa lang gihapon, wala mosugot nga matiguwang. Mora lang gihapon og mga teenagers.

Ingon man, ang ubang kalalaken-ang senior citizens, mosiga lang gihapon ang kalimutaw kon makakita’g hamis nga mga legs. Sa ato pa, active gihapon ang panghunahuna. Maibog ug mo-appreciate lang gihapon sa angay kaibgan. Hinuon, kutob na lang sa hunahuna.

Hinumdom ko usa ka higayon nagsunod mi og PUJ nga ang naglingkod last row, guwapa kaayo nga nag-shorts og shorts kaayo. Ang kauban nakong nagsakay sa Volkswagen, nga mga 80 na ang edad, giingnan niya ang driver nga, “ayaw pag-overtake ha, sunod lang ta.”

Ang batan-ong driver, natingala ug ni-exclaimed: “Sige pa diay ka ana, Sir?” Medyo nasuko si Sir, ug nitubag: “Unsay pagtuo nimo nako, giango-ango na?”

Niay makadasig nga mga inspiring quotes alang kanatong mga senior citizens: “Do not complain about growing old. It’s a privilege denied to many; Aging is not a lost hope, but a new stage of opportunity and strength.”

Bitaw, dili ang tanan, makaabot og old age, ang uban sayo nga mopahulay, busa, usa kini ka pribiliyo kining paglugway ang atong kinabuhi, matud pa, bonus na ni. Ang old age, naghatag kini og mga bag-ong oportunidad pagpalig-on sa atong kahimtang.

By the way, kining atong gipangkutlo dinhi, akong kining nabasahan dugay na. Ang ubang gi-text nganhi kanako, dugay na pud.

Niay tulo ka Bible verses nga makadasig kanato: 1) “Even to your old age and gray hairs, I am He who will carry you. I will sustain you. I will rescue you. So wala kitay angay kabalak-an ug kahadlokan kay kuyog kanato ang Labawng Makagagahom.

2) “They will stay fresh and green.” Kanunay kitang lab-as ug puno sa kinabuhi sama sa mga berde nga dahon sa tanaman. 3) “Do not speak harshly to an older man. But appeal to him respectful as you would to your own father.”

Dili kalikayan nga niining journey padulong sa katigulangon, ma-anxious, mahingawa ug mabalaka gayud kita. Mahadlok kita unsay naghulat kanato sa unahan. Normal kini, ug mahimo kini natong natong sumbalikon.

Niay pipila ka tips sa google how to ease aging worries: 1) Stay active, ayaw pagmika. Maintain regular exercise; Lihok gyud, keep yourself always busy. Giingon nga move your body daily.

2) Embrace age as a privilege, a luxury, nga ang unang mga generations wala makasinati ug wala makapahimulos niini. 2) Focus on the present. Ayaw hutda ang 24 hours nimong adlaw paghunahuna sa imong kagahapon, Ayaw pagkawili sa imong past, let it go. Ang future mo-take care da sa iyang kaugalingon. Ang karon, maoy mahinungdanon.

3) Practice gratitude exercises to lessen death anxiety and reduce worries about the future. Pagpakamasalamaton, maka-divert, ug maka-distract kini sa imong attention.

Ug matud pa, ang excessive negative news consumption (fake news) can worsen physical symptoms of anxiety.