Dear Atty. Divine,
Duna koy problema sa akong birth certificate kay ang akong gender inay nga male nahimong female.
Plano unta ko nga mokuha og passport apan gipangayo-an ko og birth certificate.
Kinahanglan pa ba ko nga modangop sa korte aron kining maong sayup nga entry sa akong birth certificate mausab? Daghang salamat.
Yumi
* * *
Dear Yumi,
Dili na kinahanglan nga moagi ka sa korte sa imong pagpa-usab sa sayup nga entry sa imong birth certificate.
Kini tungod kay adunay balaod karon nga nagtugot sa pag correction sa sayop nga gender sa birth certificate pinaagi lang sa Local Civil Registrar diin ka marehistro.
Mas dali kini nga proseso og mas gamay ra sab ka og gasto. Busa ang maayo nimong buhaton mao ang pagbisita sa Local Civil Registrar diin ka marehistro aron sa pagkuha sa list of requirements og sa ilang form nga kinahanglan nimong isubmit kanila. Thank and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.