Gustong mopadayon paggamit sa iyang apelyido pagkadalaga
Dear Atty. Divine,
Bag-o lang ko nga naminyo. Apan gusto unta nako nga dili lang usbon ang akong apelyido sa akong passport, ug sa akong mga government issued ID. Mamahimo ba na attorney nga dili ko mogamit sa apelyido sa akong bana bisan kun kasal na mi?
Norma
* * *
Dear Norma,
Basi sa atong balaod, dili ka obligado nga mogamit sa apelyido sa imong bana. Kini bisan pa kun gikasal na mo, aduna gihapon kay katungod nga modesisyon kun mogamit ba ka sa apelyido sa imong bana or dili. Busa kun modesisyon ka nga ang imong apelyido sa pagkadala ang padayon nimong gamiton sa tanan nimong transactions ug sa imong government issued ID, mamahimo kini. Apan kinahanglan sab nga imong ideklarar ang imong marital status nga minyo sa mga transaction nga imong pagabuhaton. Thank you and God bless.
Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
