Diha sa aktwal nga pakigbatok sa yawa diha sa rito sa eksorsismo

Adunay gitudlo kanato si Padre Malachi Martin sa iyang Libro: “Hostage by the Devil” atong hinumdoman kining mosunod:

1. Presence (Presensiya) Sa pagsulod pa lang daan sa usa ka eksorsista sa lawak o dapit. Ang “ambiance” matud pa, dili hisabtan. Makaingon ka adunay presensiya sa maong lugar bisan dili makita apan murag nagdala og kalisang alang ni bisan kinsa nga mosulod niini. Ang temperatura usahay moubos sa walay igong hinungdan. Bation mo ang pagpamarog sa imong balhibo sa dili masabtan nga hinungdan.

2. Pretense (Pagpaaron nga wala bisan Anaa). Ikalipay dako uyamot sa yawa nga dili tuohan ang iyang presensiya aron sa ingon dili siya hisakpan.

Ang yawa diha sa iyang pagtago mahimong molihok o mosulti sama sa biktima aron malimbongan ang eksorsista aron sa ingon dili mapadayon ang ritwal. Kinahanglan nga gub-on kining maong Pagpaaron. Lihok sa Eksorsista ang pag-ila sa demonyo gikan sa biktima pinaagi sa paghingilin dautang Espiritu ginamit ang ngalan niini. Ang ngalan nasibo subay sa paagi nga naglihok kini diha sa kinabuhi sa biktima.

Mga ngalan sa yawa nga nalambigit sa pito ka mga ulohang sala. Sama ni Abbadon nga mao ang yawa sa kataspok. Dili ikalimod nga kasagaran sa mga eksorsista ang mahiagom gyud sa kalibog sa pagguba ning maong pagpaaron kun pretense. Gikinahanglan gyud ang discernment ug dugang pagtuon matud pa.

3.  Voice (Tingog) Dunay mga higayon diin ang yawa diha sa lawas sa biktima niini ang mopagawas og makalilisang nga tingog. Mahimo kining guttural. Mora’g tingog nga gikan ilawom sa yuta. Hinuon dili dayon kita mohukom sanglit gumikan sa stress sa vocal chords sa pagpunay og singgit usahay mogawas nga murag lalaki ang tingog sa babaye nga biktima. Dunay mga nagkadaiyang tingog nga madungog usahay daghan. Usahay mogawas ang daghang tingog nga makalilisang bisan wala mobuka ang baba.

4.  Clash/Panagbangi: kinahanglan nga pugson sa eksorsista nga masuko ang yawa nga anaa sa lawas sa tawo. Ning paagiha mogawas ang matuod. Sa laing bahin angayang matngonan sa eksorsista nga dili maayo nga batonan niya ang pagkamapailubon kay ang yawa kusog kaayo mopalagot. Kun ang eksorsista walay pailob o dili ba gidaug siya sa kalisang nan, mapukan gayud siya. Salig sa Dios.

Uban sa panabang sa Dios, sa Mahal nga Birhen Maria ug sa mga Santos, dili ka angay nga malisang. Kinahanglang pugson ang yawa pagpatug-an sa iyang ngalan.

5.  Expulsion/Pagpapahawa: Kun mapagawas na sa dautan ang tanan niyang kangil-ad timailhan na kini nga haduol na ang kadaugan. Mas dali ang pagpapahawa kun mailhan ang ngalan sa demonyo o yawa nga nisulod sa lawas sa biktima. Makita kini sa kausaban sa personalidad sa biktima ug sa ambiance sa palibot. Dili mahitabo nga modaug ang gahom sa kangitngit batok sa gahom sa kahayag! Amen.