Healing ministry

Maayong Balita

Kabahin gyud sa public ministry ni Jesus ang Healing Ministry. I yang giayo ang mga nagkadaiyang balatian ma lawasnon man o espirituhanon.

Diha sa pag-ayo sa yanong hilanat ingon man ang pagpapahawa sa mga demonyo gikan sa mga gipangyawaan.

Ning maong matang sa pangalagad maoy nakapadani sa daghang mga sumusunod niya. Kini tungod kay gihatagan og tukmang tubag ang panginahanglan sa kadaghanan.

Nagpamatuod lamang kini nga ang Dios, Dios sa kahimsog ug kalingkawasan.

Kasinatian

Sa makadaghan kita nasakit Dunay mga sakit nga maayo apan dunay mga sakit nga way kaayohan. Kining mga sakit nga way kaayohan wala man magpasabot nga halayo usab ang kalingkawasan.

Ang sakit nagpadayag lamang nga dili gyud hingpit ang atong kinaiya ug nahimong kabahin na niini ang balatian.

Ang balatian mahimong makapakunhod sa atong pagtuo apan sa laing bahin ang balatian makapa purga sa atong mga personal nga kahugawan. Usahay man gud diha sa atong kahayahay nahikalimot kita sa Dios. Sa panahon nga kita matakboyan sa balatian atong nakita ang atong kahuyangan ingon man ang atong dakong panginahanglan sa Dios.

Dinhi nato masayran nga ang doctor igo ra diay paghatag sa resita apan sa kaulahian ang Dios mismo maoy moayo.

Lihok

Padayon kitang magmaampingon sa atong lawas sanglit ang atong lawas templo man sa Espiritu Santo. Atong ampingan ang atong kalag kay mag-unsa man ang bahandi kun mapildi ang atong kaluwasan.

Pangamuyo

Tanan: Sulti Ginoo ug Mamaayo Ako!