Retirement
Dear Atty. Divine,
Dunay koy pangutana labot sa akong retirement. Nagtrabaho ko sa kompaniya sud sa 15 ka tuig.
Karon ang akong edad 65 years old na ug gusto na nako nga mo-retire. Apan ang akong pangutana kun pila man sab dapat ang akong madawat nga retirement pay gikan sa company? Daghang salamat.
* * *
Nilo
Dear Nilo,
Basi sa R.A. 7641 kon New Retirement Law nga nag-amend sa Art. 287 sa atong Labor Code, kini nagkanayon nga kun ang empleyado nagtrabaho na sud sa lima ka tuig ug nagpangidaron na og 60 mamahimo siyang moritero isip optional apan kun nag edad na kini og 65 anyos nga mandatory age na, mamahimo na kini nga moretiro ug aduna siyay katungod nga modawat og retirement pay basta nakaserbisyo na siya og at least 5 years sa iyang kompaniya.
Basi sa maong balaod, entitled ang empliyado nga modawat og at least 1/2 month per year of service. Busa kun 15 ka tuig na ikaw nga nagtrabaho sa maong kompaniya dapat makadawat ka og half month per year of service.
Apan kun ang kompaniya adunay retirement plan or dunay collective bargaining agreement then kon unsay nalatid niini mao dapat ang ipatuman. Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules,
- Latest
