Ang mga kagubot nga atong nasinati karon mamahimong mga hinungaw lamang sa mas dako pa nga suliran. Ug kini dunay kalambigitan sa padayong pakig-asdang nato sa gubat nga espirituhanon. Ang tawo nga pinangga sa Dios nahimong sentro sa pag-atake nga yawan-on. Kay dili man makabuntog ang yawa sa Dios mao nga iyang sakiton ang pinangga sa Dios, lakip na kitang mga tawo. Busa angayan lamang nga makigbatok kita niya uban ang malig-on nga pagtuo. Akong panghinaut nga kining yanong tamdaman sa mga Santos Ehersisyos nga pagahimoon ni bisan kinsang nalambigit sa espirituhanong pakig-asdang matabangan unta pinaagi niini. Dili lang kini alang sa mga eksorsista o mga ministro sa kalingkawasan, mahimo usab nga magamit nato kini diha sa atong adlaw adlaw nga panlimbasog alang sa kinabuhing balaanon nga hawa sa yawan-ong pagpanlupig.
Unang Adlaw PAGPAUBOS
Pangutan-a ang Imong Kaugalingon:
1. Giunsa nako paglantaw ang matag kalampusan nga akong nakab-ot?
2. Garboso ba ko nga pagkatawo?
Teksto: Efeso 4;2
Pagmapaubsanon kamo, pagmaaghop ug pagmapailubon kanunay. Ipakita ang iyang gugma sa usag-usa pinaagi sa pagtinabangay.
PAG-AMPO
Tugon: Ampoa kini nga nagluhod.
Ang Litaniya sa Pagpaubos
Ni: Cardinal Merry del Val
O Jesus Malumo ug Mapaubsanon sa Kasingkasing
Dungga Ako
Sa Tinguha nga ako Daygon
Luwasa Ako Jesus
Sa Tinguha nga ako higugmaon
Luwasa Ako Jesus
Sa tinguha nga ako pasidunggan
Luwasa Ako Jesus
Sa tinguha nga mas pilion ako kaysa uban
Luwasa Ako Jesus
Sa Tinguha nga ako Sangpiton
Luwasa Ako Jesus
Sa tinguha nga ako Uyonan
Luwasa Ako Jesus
Sa kahadlok nga ako tamayon
Luwasa Ako Jesus
Sa kahadlok nga ako pakaulawan
Luwasa Ako Jesus
Sa kahadlok sa mga kalisdanan
Luwasa Ako Jesus
Sa kahadlok nga ako Lutoson
Luwasa Ako Jesus
Sa kahadlok nga ako hikalimtan
Luwasa Ako Jesus
Sa kahadlok nga ako Bugalbugalan
Luwasa Ako Jesus
Sa kahadlok nga ako pakasad-on
Luwasa Ako Jesus
Sa kahadlok nga ako Dudahan
Luwasa Ako Jesus
Nga higugmaon unta ang tanan labaw kanako
Jesus hatagi ako sa Grasya sa pagpangandoy niini
Nga mas mapasidunggan ang uban kay kanako
Jesus hatagi ako sa Grasya sa pagpangandoy niini
Nga mas tinamod ang uban kay kanako
Jesus hatagi ako sa Grasya sa pagpangandoy niini
Nga mas pilion ang uban ug ako mahiplig sa daplin
Jesus hatagi ako sa Grasya sa pagpangandoy niini
Mapasidunggan unta ang uban samtang ako mahikalimtan
Jesus hatagi ako sa Grasya sa pagpangandoy niini
Nga mas pilion ang uban sa tanang mga butang kay kanako
Jesus hatagi ako sa Grasya sa pagpangandoy niini
Nga mas mabalaan unta ang uban ug nga ako mamahimong balaan usab segun sa akong kahimtang ug sa Diosnong Pagbuot
Jesus hatagi ako sa Grasya sa pagpangandoy niini Amen.
Kalihukan:
Pag-andam og tsa (Tea) paabota kini nga mabugnaw pinaagi sa pagtunlob tunlob sa tsa ngadto sa init nga tubig sulod sa imong tasa. Ug sa hilom pamalandongi kining mga pulonga sa dihang gimarkahan ka og abo sa imong agtang panahon sa Miyerkoles sa Badlis sa dihang niingon ang pari. Hinumdomi tawo nga sa abog ikaw Gikan ug sa Abog ka Pauli.
Buhata kining maong ehersisyos sa Buntag (1st Prayer Period) Udto (2nd Prayer Period) Gabii (3rd Prayer Period)