Mga pangutana Pangutana ining naghikog kun kamisahan Ba?

Sa among gihimong panagtigom isip distrito dinhi sa kwatro distrito sa Ecclesiastical Province of Cebu nahimong pangutana kun mahimo bang misahan ang naghikog. Usa sa  mga pari nisugyot nga ako ang pahatagon sa pagpasabot kun explanation. Ako silang gisaysayan nga sa niadtong niaging code of canon law wala i-consider ang psychological nga aspeto. Mao nga si kinsa gani tong namatay sa hikog o dili ba sa dwelo ang dili mahimong misahan ni malubong sa Katoliko nga sam-ang. Apan sa dihang naabot na ang psychology nasayran nato nga dunay hormonal imbalance o dili ba kaha wala sa iyang kaugalingong kahimtang ang si bisan kinsa nga naghikog. Wala sa iyang hustong hunahuna. Mao nga the more siya nato hatagan og mga pag-ampo, kini tungod kay nagkinahanglan man siya niini labaw sa tanan. Dugang pa, kahupayan pud kini sa iyang pamilya nga nagbangutan gumikan sa maong trahedya.

Ang bayot ug tomboy nagpalista sa kasal? May impediment ba?

Ako na pud ang ilang gipangutana sanglit sayud man sila nga dinhi sa akong parokya dunay luna ang mga sa sakop sa LGBT IQ plus. Ako silang giingnan nga ang physical aspect nagtug-an nga sila babaye ug lalake ug busa walay babag sa ilang kaminyoon. Mahimong nagbinagsik ang tomboy apan sa kaulahian siya raman gihapon ang moburot. Gani daghan kitang nakita nga nahitabo sama niini ug nahimong normal ug malinawon ang ilang kinabuhi.