Katekesis No. 35 Mga Lima ka mga Sugo sa Simbahan
1. Ang Pagsimba sa mga Misa sa Domingo ug Piyestang Iglilihi.
Kun makagahin kita og taas nga panahon sa ubang mga butang nganong dili man kita makagahin og igong panahon sa pagsimba sa Dios matag Dominggo? Alang kanato ang Dominggo mao ang Adlaw sa Ginoo kinit ungod kay ning adlawa gibuntog ni Jesus ang kamatayon. Nabanhaw siya! Buhi siya!
2. Ang Pagpuasa sa mga Adlaw nga Tiniman-an.
Ang pagpuasa usa ka balansayon nga kinahanglanon kaayo aron paglimpiyo dili lang sa atong lawas kondili usab sa atong kalag. Ang Miyerkoles sa Badlis ug ang Biyernes Santo kahigayonan man sa pagpuasa alang kanato. Gidid-an nato ang atong kaugalingon dili tungod kay nagtinihik ta. Ang pagpuasa nagpasabot lamang nga seryoso kita sa atong gipangayo, lakip na niini ang pagpangayo og pasaylo sa mga kalapasan nga atong nahimo.
3. Ang pagkompisal kausa sa usa ka tuig.
Ang sakramento sa pakighiuli maoy makatambal sa atong samaran nga kalag ug tanlag. Dili paigo nga maghinulsol ug mokumpisal lamang. Hinunoa, nikumpisal kita aron kun unsang sala nga atong nahimo atong pagabayran usab pinaagi sa pagbag-o sa atong kaugalingon.
4. Ang Pagpakasal Atubangan sa Pari.
Kini tungod kaya ang kaminyoon dili lang kontrata. Ang kaminyoon usa man ka sakramento.
5. Ang Pagtabang sa Kinahanglanon sa atong Tinuohan.
Atong katungdanan nga suportahan ang atong simbahang katoliko aron makapadayon siya sa iyang misyon sa pag-ebanghelyo sa panon nga gisangon kaniya sa Dios.
- Latest
