Dear Atty. Divine,
Ang akong lola adunay house and lot. Ang iyang mga anak atua na nagpuyo sa abroad. Ang akong bana nga anak sa igsuon ni Lola maoy nag-atiman niya ug naa mi niya gipapuyo sa iyang balay. Matud ni Lola nga kun mamatay na siya iyang ihatag ang balay ug yuta sa akong bana isip pasalamat sa among pag-atiman kaniya.
Ang akong pangutana, kun mamahimo bang angkunon sa akong bana ang house and lot ni Lola considering nga naa man siyay mga anak? Unsay angayan namo nga buhaton aron mamahimong legal ang paghatag ni lola sa maong property ngadto sa akong bana? Daghang salamat. — Mary
* * *
Dear Mary
Aron mamahimong legal ang paghatag sa imong lola sa house and lot ngadto sa imong bana nga maoy nag-atiman kaniya, mas maayo nga iyang ipaagi sa Deed of Donation. Ang Deed of Donation mo-epekto bisan kun buhi pa ang naghatag niini. Busa kun mo execute of Deed of Donation ang imong lola then mamahimo ninyong i-process ang pag-transfer sa maong property bisan buhi pa siya.
Apan mas maayo nga pahibaw-on sa imong lola ang iyang mga anak labot sa iyang plano nga paghatag sa maong property ngadto sa imong bana aron at least, dili na sila makurat o mo-question kun inyong i- process ang pag-transfer sa maong property ngadto sa inyong pangan. Kun verbal lang ang paghatag ug dili mo execute og Deed of Donation ang imong lola then dili gyud kamo maka enforce niini sa korte kun patay na ang imong lola tungod kay ang verbal donation dili man kini valid. Basi sa Article 749 sa atong New Civil Code, kini nagkanayon: “in order that the donation of an immovable may be valid, it must be made in a public document, specifying therein the property donated and the value of the charges which the donee must satisfy. xxx.” Kinahanglan sab nga adunay acceptance sa gihatagan ang maong Deed of Donation aron kini makatuman sa requirement sa balaod. Thank you and God Bless!
Atty. Divine
Alang sa inyong pangutana, ipadala lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.