Gibaligya ang yuta nga wa pa mabahin sa mga igsuon

Dear Atty. Divine,

Ang akong uyuan nagbaligya og yuta nga 300 square meters niadto pang 1970. Ning tuiga ang akong uyuan nahulog nga wa pay yuta kay silang unom ka magsuon nagbahin sa ilang yuta niadto na mang 1990. So, pag 1990 pa sab nagpasukod ang anak sa nakapalit sa 300 square meters basi sa ilang Deed of Sale nga gipirmahan niadtong 1970. Ang akong pangutana, mahimo ba attorney nga ang Deed of Sale niadtong 1970 maoy ilang gamiton sa pag-claim sa yuta nga nabahin pag 1990 na? Dili ba nahulog nga way yuta ang akong uyuan pag 1970 sa dihang ilang gihimo ang Deed of Sale kay ang ilang yuta nabahin uban sa iyang mga igsuon pag 1990 na man? Hinaut imo kong mahatagan og katin-awan kalabot niini. Daghang salamat. — Justo

* * *

Dear Justo,

Ang Deed of Absolute Sale dili kana mo expire, once valid ang pagka execute niini magpabilin kining valid bisan pa kun pila ka tuig na ang nakalabay. Sa kaso sa imong uyuan nga nagbaligya siya og yuta niadtong 1970, ang imong pangutana kun mamahimo bang basihan sa nakapalit sa iyang pag-claim sa yuta sa imong uyuan nga gibahin pag 1990 na, bisan kun ang Deed of Sale gi execute niadto pang 1970. Ang tubag niini, magdepende kun kinsay tag-iya sa property nga gibaligya sa imong uyuan niadtong 1970. Kay kon pananglit,  usa sa mga heirs ang imong uyuan sa maong yuta og patay na ang ilang mga ginikanan niadtong 1970 nga maoy pagbaligya sa imong uyuan sa iyang share apan wa lang nila mabahin then valid ang maong pagbaligya, as long as wa mosobra sa share nga dawatunon sa imong uyuan. Ang mga heirs, mamahimo man nga mobaligya sa ilang share or rights sa undivided property. Busa sa kaso sa imong uyuan, ang buyer mamahimo nga mokuha sa iyang 300 square meters nga napalit sa dihang gibahin na ang property kay na identify na man kun asang dapita ang share sa imong uyuan pag 1990. Thank you and God Bless. — Atty. Divine

* * *

Alang sa inyong pangutana palihug lang sap ag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.