Dear Atty. Divine,
Duna koy napalit nga house and lot ug gusto unta nako kini nga paabangan. Unsay dapat nako ibutang nga terms and conditions? Pila sab dapat ang akong kolektahon nga advance rent og deposit? Pila sab ka buwan kon pananglit di siya kabayad sa rent nga pwede na siya papahaon? Daghang salamat.
* * *
Gina,
Ang Contract of Lease nga inyo unyang pirmahan uban sa renter kinahanglan nga maglatid gyud sa mga terms and conditions nga naglakip sa period sa pag-abang, pilay monthly rent, kinsay mobayad sa utilities, kun mapakyas siya sa pagbayad as abangan pilay interest, ug kun mapakyas siya sa pagbayad sud sa tulo ka buwan nga abangan mamahimo na siya nga papahawaon og uban pang mga kondisyon nga gusto ninyong ibutang sa kontrata. Basi sa Rent Control Act of 2009 ang lessor dili mamahimong mo-demand og advance rent nga sobra sa usa ka buwan ug di sab mamahimo nga sobra sa duha ka buwan nga deposit ang imong pangayuon. Kining deposit mao unya ni imong gamiton inig end sa rent naa siyay mga utilities nga wa kabayri or kun duna siyang nahimong damage sa imong property ug ang sobra niini imo unyang ibalik sa nag-abang. Kun gusto sab ka nga mopa -increase mamahimo kini nimong buhaton after a year but kinahanglan nga dili mosobra sa 7% ang imong increase from the existing rental fee. Kun di siya makabayad sa rent sud sa tulo ka buwan mamahimo na siya nimong padad-an og notisya sa pag-vacate sa property kun mapakyas gyud siya sa pagbayad niini. Thank you and God bless. —Atty. Divine
* * *
Alang sa inyong panguta, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.