Maternity leave

Dear Atty. Divine,

Ang akong igsuon buntis og ikalima na kini niya nga anak. Nagtrabaho ni siya sa private sector ug member siya sa SSS.

Ang iyang concern lang kun maka avail pa ba siya sa maternity leave nga ikalima  na man kini niyang anak? Daghang salamat.

Gemma

* * *

Dear Gemma,

Basi sa previous law on sa Maternity leave kon Republic Act  7322, ang mga empliyadong babaye sa private sector maka avail lang sa maong benefits sa unang upat ka pagpanganak kon first 4 deliveries. Apan sa bag-ong balaod nga “105- Day Expanded Maternity Leave Law” kon RA 11210 nga gipatuman niadtong  March 11, 2019, maka avail na sa maternity leave sud sa 105 days ang mga empliyadong babaye sa private og public sector  regardless  of civil status or legitimacy sa bata og regardless kon ikapila na kini niya nga pagpanganak.

Buot ipasabot nga wa na maglimit ang bag-ong balaod busa covered na ang tanang  buntis niini lakip na ang imong igsuon bisan kun ikalima na kini niya nga pagpanganak.

Apan kinahanglan  sab nga duna siyay contribution sa SSS nga  at least 3 months in the 12 month period before sa iyang pagpanganak.

Sa ato pa, with pay ang maong  maternity leave ug kun ang employer magdumili sa pagbayad sa empliyado mamahimo siyang multahan ug mapriso sud sa unom ngadto sa 12 ka tuig. Thank you and God bless.

Atty. Divine

* * *

Alang sa inyong pangutana  palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.