Don’t force yourself

Kini maoy pahimangno sa usa ka pari ngadto sa iyang gitambagan.

Ang suliran sa nagpatambag kaniya mao nga ang maong tawo bisan kun unsaon pa niini og kayod ingon man paningkamot sa paghimo og maayo alang sa iyang pamilya padayon gihapon nila nga wala hatagi og igong pagtagad ang iyang paningkamot.

Giingnan siya ni Padre: “Ayaw ipamugos ang imong kaugalingon… Dako kaayo ang kalibotan aron himoon nimong imong kalibotan ang usa ka tawo.”

Sa atong kinabuhi ning mga higayona, usahay dili makita ang atong bili.

Ang gitan-aw lamang sa kadaghanan mao raman ang atong mga kahuyangan. Mas nindot man gud sumsoman ang kahuyangan kaysa mga kaayohan.

Labaw na nga kun anaa pa ang inunlan sa kalambigitan sa kagahapon nga wala pa gyud maputol sa kasamtangang higayon.

Sama sila sa mga kalag nga padayong nagkondenar kay wala pa man mahimutang.

Sa ilang pagkawala mahimutang padayon silang naghatag og kagubot ingon man padayong mopasabong sa mga tawo.

Ang mahinungdanon mao man ang padayong pagpaningkamot nga mohimo og maayo ang matag usa kanato.

Himoon natong nataran ang kalibotan sa pagsabwag sa bisan unsang makaayo.

Himoon natong makadawat ang si bisan kinsa nga atong masugatan adlaw adlaw sa way pagpaabot nga kita pagabaslan aron sa ingon dili kita masakitan.

Mao nga “Don’t Force Yourself! You are sufficient by yourself!”