Pag-ampo ngadto sa Virgen delos Remedios
O Virgen delos Remedios nga gipasidunggan ka sa mga angheles ug mga santos ingon nga timaan sa kaduol sa Amahanong gugma ug kaluoy pinaagi sa imong Anak ug sa Mabungahong Espiritu.
Maria among Inahan, sayud ka sa akong mga kahuyang, nangaliyupo ako kanimo nga untang sud-ongon diha sa kalooy kining imong anak.
O Maghuhupay sa mga nagmasakiton, magtatabang kanila nga anaa sa mga panginahanglan, dinasig sa imong sanglitanan, akong Bag-ohon ang akong pagkamatinumanon sa Amahanong Kabubut-on. Mapaubsanon akong nagahangyo nga mangama ikaw uban sa imong Anak sa mga hangyo nga ako karong ibungat. (Ibungat ang imong mga Pangayoon)
Sa mas linain nga paagi akong giampo ang kaayohan sa tanang mga nagmasakiton, kaisog ug kalig-on sa tanang mga himalatyon, panag-uyon ug kalinaw sa tibuok kalibutan. Nag-ampo ako nga unta mohamtong ako diha sa kasantos.
Gipangayo ko nga unta mamahimo akong andam sa higayon nga ako mamatay na. ug kun ugaling ang maong higayon moabot na, dili mo unta ako pasagdan o Mahal nga Inahan.
Anaa unta ikaw kuyog nako ug motabang kanako aron mamahimo akong takus nga makasulod sa hawanang langitnon diin ikaw nagpuyo ingon nga Rayna kuyog sa imong Anak ug sa Amahan ug Espiritu Santo hangtud sa walay pagkatapus. Amen.
Virgen delos Remedios!
I-ampo mo kami
Ang Mahal nga Birhen Maria kanunay nga motabang kanato diha sa atong mga panginahanglan. mahimong makalimtan kita sa kadaghanan apan kang Mama Mary dili gyud kita pasagdan.
Anaa siya kanunay maggiya kanato.
Anaa siya kanunay mohupay kanato. Busa ning dakong krisis nga atong nasinati karon kinahangang ato siyang sangpiton kay kun wala siya asa naman kaha kita padulong?
- Latest
