Unsay exclusive property sa bana ug asawa?

Dear Atty. Divine,

Ang akong igsuon nagplanong magminyo. Aduna siyay mga properties nga napalit nang daan nga ulitawo pa siya kay maayo man siya og trabaho. Ang iyang concern kun makonsiderar ba nga conjugal ang properties nga iyang gipanag-iya karon? Aduna bay paagi aron magpabiling separate property ang iyang mga na acquire nga kabtangan while ulitawo pa siya? Daghang salamat. -- Richie

Dear Richie,

Ang Article 109 sa atong Family Code, naglatid sa mga mga exclusive property sa spouse nga mao kining mosunod: (1) That which is brought to the marriage as his or her own; (2) That which each acquires during the marriage by gratuitous title; (3) That which is acquired by right of redemption, by barter or by exchange with property belonging to only one of the spouses; and (4) That which is purchased with exclusive money of the wife or of the husband. Busa any property nga napalit sa imong igsuon samtang siya ulitawo pa, makonsiderar kining exclusive niya nga property. Ang makonsiderar nga conjugal property kadto lang property nga ma-acquire during sa ilang marriage. Hinuon duna say laing option ang imong igsuon pinaagi sa pagpapirma og Pre-Nuptial Agreement sa iyang future wife kon gusto gyud siya og separation of properties even during their marriage. In this case, dili lang ang property nga ilang gipanag-iya samtang sila single pa ang makonsiderar nga exclusive property kun dili lakip na ang property nga ilang ma acquire during their marriage. Thank you and God bless. -- Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.