Kining Balik Probinsiya program

Nindot paminawon tungod kay dinhi sa dakbayan sa Sugbo, naghuot na kita dinhi. Daghan na kaayong mga squatters, aw wa na diay tay mga squatters dinhi sa Sugbo ug sa tibuok nasud … mga informal settlers na lang.

Di lang una ta maghisgot dinhi sa pandemic kay maguol ta. Balik probinsiya. Very good, aron maluagluagan ang atong trapiko dinhi ug kaminosan ang kalisud sa panginabuhi ug pagpakabuhi.

Apan, unsa may atong balikan didto sa probinsiya, nga daghan kanato ang mibiya sa probinsiya kay lisud ang panginabuhi didto. Hinungdan nga ania sila sa dakbayan nanimpalad.

Niay akong nasindolan nga item gikan sa mga daan nakong clippings. Actually, dili gyud ni daan kaayo, napatik ni sa miagi pang Augusto 18 karong tuiga. Nadani ang akong pagtagad tungod kay inig-ka new normal na nato (ambot kanus-a), maayong tutokan kining maong mga lakang sa atong kagamhanan tungod kay bisan og lisud kining mapatuman, apan alang nako, nindot kini nga programa.

Ug matud dinhi, kining headline nga nagkanayon: “House power bloc seeks to institutionalize the Balik Probinsiya, Bagong Pag-asa Program, ug lagmit kon wala pa magsamok-samok ang coronavirus, nalihok na kini karon.

Tumong niini, “to ensure balanced regional development and equitable distribution of wealth, resources and opportunities, and boost countryside development.”

Exactly, kay ang kaugmaran ania ra sa mga dagkung dakbayan, ug gibiyaan ug napasagdan ang probinsiya in terms of progress.

Niini, ma-redistribute ang wealth ug opportunities ngadto sa kalungsoran ug kabarangayan.

Nindot ning paminawon, apan lisud ning buhaton, kay unsa man, pananglitanan ang makadani ug maka-aghat  sa mga dagkung planta ug pabrika nga ania sa dakbayan, pagbalhin  ngadto sa probinsiya? Will they make money there, sama sa mga dagkung ganansiya nga ilang makab-ot dinhi sa dakbyan?

Kining kabalaka sa pipila ka magbabalaud: “Despite having the good intention of providing more opportunities to other regions, the crux of the matter is to acknowledge that there are currently no incentives for the workforce population to return to their province if opportunities are limited.”

Tinuod, sad. Dugang pa, dili kuno ma-achieve ang countryside development, ug dili ma-sustained ang development kon, among others, walay hingpit nga rural electrification.

Dakung factor nga makatampo sa paglambo niining maong programa, mao energy sector. Kini ang unahon pag-ugmad. Matud pa: “The National Electrification Administration’s Sitio Electrification Program (SEP) must be strengthened and prioritized in order to support the operation and development of industries in rural areas.”

So, electrification ang unahon, ug pag-provide og adequate support ngadto sa mga electric cooperatives.

Aron mapatunhay ang implementation  niining maong programa, ang HB No. 7072 kon ang proposed Balik Probinsiya Act of 2020 “calls for the creation of  the Balik Probinsiya, Bagong Pag-asa Council” nga pangulohan sa Executive Secretary ug paluyohan sa Socio Economic Secretary.

Ug kini pagasakpan sa mga Kalihim sa DILG, DSWD, DA, DAR, DTI, DOLE, DOH, ICT, DOF, DBM, DPWH, DOTr, DoT, HSUDug NEA.

Daghanang member uy! Akong tan-aw mao ni ang makapa-pakyas sa maong laudable unta nga programa. Imagine kuno kon magdungan kini silag tingog, magkasabot kaha ni sila? Kinahanglan ba gud nga i-member ni silang tanan  aron maka-avail kita sa ilang services?