Adlaw sa pag ampo

Kalag-kalag ang dali kaayo natong malitok nga mao na usay naandan inay nga nagpabot adlaw sa mga kalag.

Apan bati man paminawon nga murag komendya ang paglitok sa maong pulong, nga murag tiaw tiaw o dili tinood.

Angayan sigurong himoon nga adlaw sa mga kalag, o adlaw sa paghandum sa mga minahal nato nga namatay na.

Sila ang nagkinahanglan sa atong pagampo alang sa kapahulayang dayon ngadto sa gingharian sa langit.

Apan subo palandungon nga mahikalimtan sa uban ang tinood nga meaning niining panahona tungod kay imbes ang paghandum sa mga patay ang unahon, ang tawhanong katagbawan naman lang hinoon ang unahon.

Usa niini ang mga lingaw lingaw nga gitawag og Halloween party diin magsul-ob pa og mga besti nga iya sa kangitngit.

Gitawag gani kini sa uban nga panahon da pag ani sa mga kalag nga mahiadto sa imperno kay kutob sa nagsol-ob sa besti sa demonyo o kampon sa kangitngit seguro na nga mahiadto sa yawa.

Buhi pa gani apan nasugba na sa kalayo ang kalag kay nagpatuyang man sa tawhanon nga kahidlaw sa mga kalingawan.

Angayan hunoktokan sa tanan nga nanoktok sa atong pag ampo ang mga kalag ilabi na kadtong wala na intawoy naghandum aron mahaw-aw sila sa kasub-anan nga ilang nahiaguman.

Dili naman sila makapersonal og hangyo sa mga buhi busa kita nalang ang mosabot bisan sa ingon niini nga mga adlaw alang kanila.

Kon moduaw sa menteryo dili lang compliance kondili himoon kini nga puno sa pag ampo kay kini ang gikinahanglan nilaz Samtang alang sa mga managkot sa menteryo amping lang usab kanunay dili lang adto sa sulod sa sam-ang apan sa balay nga gibiyaan kay basin inig balik ninyo nasobrahan na sa kalimpyo kay gikawat na diay ang inyong mga kabtangan.

Amping ug ipatigbabaw ang ka-solemni sa adlaw sa mga kalag.