Mao kini ang pamahayag ug pasalig sa mga alyado ni Presidente Digong Duterte nga karon mao nay modominar sa Senado. Dili sila mahimong diktahan lang sa administrasyon, apan, ilang paluyohan ug i-push ang mga legislative agenda sa Presidente.
Hinumdoman nga ang “Build, Build, Build” project usa sa mga ambisyusong proyekto sa Duterte administration, ug niining pagdaug sa tanang gi-endorse sa Malacañang nga mga senatorial candidates, atong mapaabot ang walay bikil ug hapsay nga pagpatuman niining maong mga proyekto.
Ang resulta sa niaging eleksyon naghulagway sa mass support sa katawhan sa leadership ni Duterte ug sa iyang pagpadagan sa kagamhanan.
Giingon dinhi, atong kutluon: “His anti-drug crackdown, unorthodox leadership style, combative and sexist joke-laden outbursts and contentious embrace of China have been the hallmarks of his presidency.”
Sa pangutana kun wala bay kahigayunan nga ang mga bag-ong napili nga Senador mahimong rubber stamp isip pagbayad sa utang kabubut-on, si Senator-elect Christopher “Bong” Go mitubag: “Do I look like a rubber stamp?”
Matud ni Go, iyang suportahan ang pakiggubat ni Duterte batok sa kriminalidad, korupsyon, ug sa gidiling druga. Ug iyang suportahan ang pag-re-impose sa silot sa kamatayon batok sa mga heinous crimes ug sa drug trafficking.
Matud ni Go nga sulod sa 21 ka tuig niyang pag-ila ni Duterte, wala kini sukad makahatag og illegal nga kamanduan. “It’s always been his wish to put the interest of every Filipino above everything. So I know, whatever he tells us to do is for the good of Filipinos, so I support him,” padayon nga pamahayag ni Go.
Sa iyang bahin, si Senator-elect Bato de la Rosa namahayag nga dili siya ma-beholden ngadto sa Presidente. Tapus sa proclamation, gipatawag siya sa Presidente, only to be told: “Bato, you are now a senator of the Filipino, you are not a senator of Duterte. Do your job for the good of Filipinos because 19 million voted for you and I believe in your capacity.”
So, niining mga pamahayag nila ni Bong Go ug Bato, ug sa ubang mga alyado sa Presidente, atong mapaabot nga dili sila mamahimong rubber stamps sa Malacañang.
* * *
Nipasar na sa House of Representatives (HOR) ang balaudnon nga mohimong mandatory ang ROTC alang sa mga Grade 11 ug 12 nga estudyante.
Samtang adunay miuyon, daghan usab ang nisupak gumikan sa kahadlok nga masubli ang nahitabo sa unang panahon nga gihimo kining milking cow sa nagpasiugda ug nagpadagn niini.
Sayo niini, si Duterte namahayag nga sa iyang pag-endorse nga ibalik ang ROTC, buot niyang matanom sa hunahuna ang patriotism, discipline ug love of country ngadto sa mga high school students.
Correct. Sa akong bahin, uyon kaayo ko ini. Sa among panahon, wa man ko kamatikod nga dunay korupsyon ug pag-abuso sa mga sakop sa militar nga nag-implement niini.
By the way, kaming taga-Opon matag Domingo, momata og sayo kaayo, mosakay og baroto paingon sa Cebu City via Mandaue City aron motambong sa ROTC drill ug exercises. Wa man mi masuko adto. Ni-enjoy man lang pud mi.
Kun kalikayan ang giingon nga corruption kanhi, ibalik ang ROTC.