Blood donation van

Ang blood letting o pagdonar og dugo dili na problema sa lalawigan sa Sugbo kon ang gidaghanon sa buot mo-donar ang hisgutan. Kini tungod kay, ang lalawigan sa Sugbo aduna nay Blood Donation Van nga mosuot-suot sa kahilitang dapit sa kabarangayan sa lalawigan aron panghatag og kasayon sa would-be donors nga mahimo nang modonar sa dugo diha na ilang tugkaran.

Kini ang atong nasayran gikan ni Dr. Rene Catan, ang provincial blood donation van is the first and the only in the country, matud ni Dr. Rene.

Sa ato pa, kita ra dinhi sa atong lalawigan ang duna niining matanga sa van nga kompleto sa kahimanan sa blood letting, ug adunay 10 ka higdaanan.

Tinguha sa lalawigan nga kadungagan og usa  pa ka blood bank van alang nga i-deploy sa norteng bahin sa lalawigan. Sunod nga proyekto sa provincial health office mao ang pag-angkonk og Blood Bank Hospital, nga matud ni Dr. Catan, nunot sa programa sa lalawigan to change the health care system sa lalawigan, subay usab sa pagpatuman unya sa Universal Health Care, dili madugay ang pag-angkon sa maong Blood Bank Hospital.

Si Catan mitin-aw nga sukwahi sa gituhoan sa uban, dili makadaot ang pagdonar og dugo, on the contrary matud pa, makaayo kini sa lawas tungod kay ang dugo nga gidonar, kapulihan man og bag-o. Maoy hinungdan nga tapus sa blood letting, maayo ug nindot ang feeling sa donor.

Kini, gawas nga sa kagamay sa dugo nga i-donate magka-salbar kini’g duha o tulo ka kinabuhi. Ug dili na dili na unya maproblema kun sa higayon nga ang donor o iyang kabanay ang magkinahanglan na’g dugo.

Ug pinaagi niining giingon ni Dr. Catan nga elective surgery, (I hope I got it right) mahimo na ang pasyente mismo o iyang kaubanan hangyuon pagpa-donate og dugo sa dili pa ang operasyon, nga kun buot hunahunaon, ang pasyente ra usab mismo ang makagamit niini, kun gikinahanglan man. Mao kini ang gitawag nga self-donation.

Ug bahin sa Universal Health Care Act, matud ni Catan, dili kita mangutana kun magmalampuson ba kinin o dili, tungod kay alang kaniya, kinahanglan nga magmalampuson gayud kini. Sa ato pa, walay kitay option kundili ang pagpalampuson niini.

Ug ang paglampus niini, dako kakayo og role o kaakohoan ang mga lalawigan ug ang highly urbanized nga mga dakbayan. Maoy hinungdan nga ilang gibanhaw ang Integrated Provincial Health Office.

Dugang niini, gilaraw usab sa lalawigan nga kabutangan og mga hosptial ang mga isla sa Camotes ug Bantayan. Matud ni Catan, gilihok na ang mga kinahanglanon niini, nga lagmit mapatuman sa dili matapus kining tuiga.

Gawas sa ICU, maka-dialysis na sila sa provincial hospital, apan kining gitawag nga peritonial dialysis maoy ilang gi-apply nga mahimo na ang pasyente mismo maoy mo-apply niini ngadto sa iyang kaugalingon, self dialysis.

Ug kun mo-qualify ang pasyente nga usa ka indigent, libre ang dialysis.

Sa ato pa, dili mo-quality sila si Rene Alquizola, Atty. Abing, ug June Perez niini. Bayad gyud mo Do!