Mao kini ang gisulti sa usa ka inahan ngadto sa iyang anak nga alang niya walay igong ikabuga gumikan sa kahinay niini sa academics.
Ang bata nga nasakitan igo lang tawon sa pagbakho ug paghilak.
Dili makatuo nga ingon ini ang gipamulong sa iyang giisip nga significant other sa iyang kinabuhi. Apan wala siya’y mahimo kay gawas sa maong pagmahay sa inahan niya, anaa ang lain pang mga tawag nga gihulip sa iyang matam-is nga ngalan nga Sweetie.
Nakahunahuna siya nga maghikog na lang. Apan nakamatngon siya nga dunay mas labaw pa sa gipangsaway kaniya.
Tawo siya nga may igong katakus sa paglampus. Ang maong pagsaway ug pagtandi maoy nakapahagit niya aron maningkamot pa sa hilabihan aron siya molampus.
Sa nabatonan niyang kalampusan ang tanan nausab. Ang pagtahud sa inahan kaniya nahatag.
Buot unta niyang mobalos apan sa kaulahian nakamatngon siya nga sa kinabuhi diay mas maayo nga stress free siya gikan sa mga pagbating wala kinahanglana.
Ang mensahe mao: “Ayaw itugot nga itandi ka sa uban kay ikaw lahi sa uban ug ang uban lahi nimo!” Think Positive, Hear Positive.
Ang hunahunaon nimo mao nga dili tanang ipamulong sa uban atong paminawon ug hatagan og pagtagad.