Angay natong masayran, nga kun maoy ikonsiderar ang paggamit og mga natural nga remedyo aron sa pag-alibyo sa sintomas o sa mga dili maayong gipamati nato sa lawas.
Unahon niini ang pagtrabaho nga ayuhon nga mapalig-on ang atong sistema sa imyun.
Mga nutrisyon kini nga sagad nagbaton og mga natural nga ingrediyentes nga adunay sangkap sa nagkalainlain nga nutrens nga gikinahanglan sa pagpahimsog sa panglawas.
Tungod ini, kun himsog atong imyun, dili mabuhi nga makapuyo sa lawas ang mga selyulang kanser.
Matud pa ni Hippocrates, ang atong pagkaon mao sab kini ang atong tambal, nga nagpraktis sa pagkadoktor sa medisina.
Siya ang bantog nga amahan sa medisina, maoy una nga nakadiskubre kun unsa ang detalye nga trabaho sa lawas (human body) ug mga sintomas ug sa mga problema ini.
Siya ang nanguna sa pundok sa doktor sa medisina ug paghimog ‘oath of ethics’ sa pagpraktis og medisina nga hangtud karon maoy ilang gitamdan sa ilang pagpanambal.
Ang diyeta para sa kanser – Ilabi na sa kanser nga adunay kalabtanan sa utok, gikinahanglan kaayo ning mao nga diyeta sa bisan unsang kanser.
Estrikto lang sa pagpatuman ini, apan sayon ug simple ra kini buhaton nga anaa lang nakaandam sa palibot.
Lisud tuohan apan ngano dili man nato karon sulayan?
Sa pagdiyeta gikinahanglan gayud ang kada adlaw nga pagkaon og mga lab-as gikan sa tanom (prutas ug utanon).
Sumala sa bag-ohay nga pagdiskubre sa atong mga eksperto, nakompirmar ang sulbad sa kaayohan sa anaa ra diay sa atong mga pagkaon nga natural nga prodyus sa kinaiyahan.
Gipatubo ni sa Kahitas-an aron ta kapahimulos nga kanunay nga himsog ang panglawas .