Mga senyales nga nameligro atong kidney (2)

Ania ang pipila sa mga senyales nga nameligro ang atong kidney, nga kinahanglan alisto sa pagmatikod ini nga dili kay ibalewala lang.

Sagad ra ba komon ra kini pamation, mokalit lag tumaw ug mawala hangtud magbalikbalik nga magkaanam kagrabe. B

usa sa sugod palang, idiskubre sa kaugalingon ug unya aron maklaro, mobisita sa imong doktor.

* Nanghubag (sweeling) – kun dili na gyud ang kidney kahatag og maayong serbisyo sa lawas, ug dili na masala o mapagawas ang nanubrang toksik nga likido (fluid) nga natigum sa lawas, nagkahulugan  sa senyales nga nanghupong sa kapula ang nawong.

Hasta mga lutahan, batiis ug bukton manakit apil na manghubag sab ang  siko ug ang tikod.

* Kauasaban sa pagpangihi – Usa ni sa sayo nga senyales nga nameligro ang kahimtang sa atong kidney. Usahay maglisud tag pangihi, sagad daginoton kaayo mogawas ang ihi. Ilabi na sa gabii bisan sa adlawan pa, kanunay magbaha ang ihi nga dili na makontrol ug madistorbo ang atong paghinanok sa kagabhion.

* Mga nukanuka sa panit (skin rashes) – tungod sa natigum nga toksik nga likido (fluid) sa mga organismo sama sa atong panit, magnukanuka nga mahasol sa iritable nga kanunay mangatol ang panit.

Mahimo pakalmahon kini nga butangag losyon o krema, apan dili kini hingpit makaresolbar kay ang problema naa man sa ilawom sa panit.

* Pangapoy sa lawas – Bisag way gibuhat kanunay lang gikapoy, senyales sab nis anemia, kay palyado ang kidney nga moprodyus og EPO(erethropoietin).

Usa ka hormonenga moprodyus og daghang selyula sa pulang dugo.