Unsaon man nga makalikay sa impluwensya sa ubang mga tawo nga nagbaton og negatibong hunahuna? Isip usa ka tawo nga sensitibo nga dali ra magdibal sa kalibog ang emosyon, nga kanunay nakasinatig kahuyangon sa kompiyansya sa kaugalingon.
Sagad sa tawong sensitibo, dali ra mohabig o mosandig sa ideya sa uban nga way pagkilatis kun ang gihungit nga ideya nga makapasamot diay sa problema sa kalibog. Inay molig-on na unta ang nagambalay nga positibong lakang, natumpag na hinuon sa pagduhaduha nga kini buhaton.
Karon, unsa may paagi nga mausab kita ning kinaiyaha, aron dili na madala o basta matandog sa mga negatibong enerhiya sa uban . Usa sa unahon nato ang pagbalanse sa atong pagkasensitibo. Dili lang nakapukos sa usa ka habig lang, nagkinahanglan kita’g tulo ka habig sa opinyon ,nga mao ang kahinabi, ang laing naminaw ug ang kaugalingon, nga maoy mohimo sa pagtimbang sa igawas nga positibong disisyon,
* Asikasohon ang kaugalingon – Pangunayan ugmaron ang mga isyu ug tun-an ang kalambigitan sa kalihokan nga makatampog positibong enerhiya paglahutay sa imong positibong gimbuhaton o kaakohan, aron malikayan nga maugtas ta sa kalibog nga kanunay mopaluya sa paglaum.
Pananglitan, sa gikahinabi nato nga nasilo, unsa may mahimo nila kanato? Aw igo lang sila mopahigmata sa atong pagpakahilom sa pagpaminaw sa mga reaksyons sa ideya nga kakuhaag maayong tinubdan sa gikinahanglan mong inerhiya. Apan kun sugdan na kini nato ang i-balanse ang tanan sa kinabuhi, anha pa matugkad nga makita sa dakung katin-aw ang kahulogan sa palibot.